RUS
SMARTNEWS.KZ басылымының хабарлауынша, Алматы қаласында Аида Балаева Қазақстан Республикасының Премьер-министрінің орынбасары – Мәдениет және ақпарат министрі «Қайрат» футбол клубының шабуылшысы Дастан Сәтпаевқа «Дарын» мемлекеттік жастар сыйлығын табыстады.
Футболшы 2025 жылғы марапаттың «Спорт» номинациясы бойынша жеңімпаз атанған. Алайда жарыс кестесіне байланысты ол 2025 жылғы 26 қарашада өткен салтанатты рәсімге қатыса алмаған еді.
Салтанат барысында министр спортшының жетістігін атап өтіп, оның жас буынға үлгі болып жүргенін ерекше айтты.
«Сіз тек жоғары нәтижелер көрсетіп қана қоймай, өскелең ұрпаққа бағыт беріп келесіз. Балаларды спортқа баулып, салауатты өмір салтын насихаттауда еңбегіңіз зор. Спорт — адамды үлкен жетістіктерге жетелейтін, елдің абыройын арттыратын маңызды сала. Сіздің табыстарыңыз жастарға үлгі болып, бұл марапат жаңа биіктерге жол ашсын», — деді Аида Балаева.
Айта кетейік, «Дарын» мемлекеттік жастар сыйлығы ғылым, өнер, қоғамдық қызмет және спорт салаларында үздік нәтижеге қол жеткізген дарынды жастарға беріледі.