RUS
SMARTNEWS.KZ басылымының хабарлауынша, продюсер әрі актриса Баян Алагөзова әлеуметтік желіде ерекше байқау жариялады. Ол күйеуі Тұрсын Алагөзовтың биін дәлме-дәл қайталай алған адамға 500 мың теңге беруге дайын екенін мәлімдеді.
Барлығы TikTok-та тараған видеодан басталды. Онда Тұрсын Алагөзов еркін, көңілді биімен көпшіліктің назарын аударған. «Жан би сұрайды» деген сипаттамамен жарияланған ролик небәрі қысқа уақытта 2,4 миллион қаралым жинап, қызу талқыға түсті.
Желі қолданушылары видеоны қызу талқылап, түрлі пікір қалдырды.
«Жарайды, оған бәрі жарасады, билегені де өзіне үйлеседі», «Үйің 2 мың шаршы метр, жерің 4 гектар болса, осылай билейсің», «Мен де билеп көрем, бәлкім байып кетермін», «Миллионердің биі», «Жастықта билеуге уақыт болмаған ғой», «Бай болсам, ешкімге айтпаймын, бірақ белгілері байқалып тұрады», — деп жазды олар.
Видеодан кейін Баян Алагөзова да шет қалмай, челлендж жариялады. Ол Instagram парақшасында «Осы биді айнытпай қайтала» атты байқау басталғанын хабарлады. Продюсердің айтуынша, бұл биді дәл көшіру мүмкін емес, бірақ егер біреу орындай алса, 500 мың теңге сыйақы беріледі. Қатысушылар видеоны TikTok-қа «Алагөзов айнытпай» хештегімен жүктеуі тиіс.
Айта кетейік, бұған дейін Баян мен Тұрсын Алагөзовтар жаңа үйлерін көрсетіп, желіде қызу қызығушылық тудырған еді.