RUS
Ақтөбе қаласында жол үстінде жасалған қауіпті әрекет әлеуметтік желі арқылы әшкереленіп, құқық бұзғандар жауапкершілікке тартылды.
Ақтөбе облыстық полиция департаменті мәліметінше, оқиға 13 сәуір күні Тәуелсіздік даңғылында тіркелген. TikTok-та жарияланған видеода Hyundai Tucson көлігінің жолаушысы қозғалыс кезінде көліктің төбесіне шығып алғаны анық көрінеді.
Полиция бұл әрекетті өрескел құқықбұзушылық деп бағалады. Ведомствоның мәлімдеуінше, мұндай әрекет жол қозғалысына қатысушылардың өмірі мен денсаулығына тікелей қауіп төндіреді және ауыр жол апатына әкелуі мүмкін.
Құқық қорғау органдары соңғы уақытта әлеуметтік желідегі танымалдық үшін жасалатын қауіпті әрекеттер жиілегенін атап өтті. «Хайп» қуалау көп жағдайда салдары ауыр жағдайларға соқтырады.
Полиция әлеуметтік желілерді тұрақты бақылауда ұстайтынын және осындай құқықбұзушылықтар дер кезінде анықталатынын хабарлады. Аталған оқиға бойынша қатысушылар анықталып, заңнамаға сәйкес жауапкершілікке тартылған.