RUS
SMARTNEWS.KZ басылымының хабарлауынша, белгілі стендап-комик Нұрлан Сабыров өз аудиториясын кеңейтіп, енді араб және үнді көрермендеріне де бағыт алмақ. Дубайда өтетін оның стендап-шоуы екі тілге — хинди мен араб тіліне аударылатын болды.
Mash дерегінше, ұйымдастырушылар бастапқыда концерт өткізуді де, өткізбеуді де ойластырған. Себебі Таяу Шығыстағы жағдайға байланысты ресейлік туристер саны азайып, залды толтыру қиынға соққан. Сол себепті шоуға аударма қосып, тек орыс тілді аудиториямен шектелмей, кеңірек нарыққа шығу шешілген.
Бұған дейін комиктің 4 сәуірге жоспарланған Шанхайдағы концерті «ұйымдастырушыларға тәуелсіз себептерге» байланысты өтпей қалған.
Айта кетейік, Нұрлан Сабыровқа Ресейге кіруге 50 жылға тыйым салынған. Құзырлы органдардың түсіндіруінше, бұл тыйым жеке жаза емес, 2025 жылы тіркелген әкімшілік құқықбұзушылықтың салдары ретінде қосымша шектеу болып табылады.
Комиктің өзі Ресейге кіруге салынған шектеуге қатысты пікір білдірген.
Сондай-ақ, 2025 жылдың мамыр айының ортасында ол Шереметьево әуежайында көші-қон заңнамасын бұзғаны үшін ұсталғаны хабарланған. Бұдан бөлек, оның Мәскеу облысында элиталық коттеджі мен жер телімі бар екені, үйінің құны шамамен 115 миллион рубльге бағаланатыны айтылған.