RUS
SMARTNEWS.KZ басылымының хабарлауынша, Өскеменде көпқабатты үйдің шатырында жалаңаш тұрған ер адам құтқарылды. Оқиға Серікбаев көшесіндегі тұрғын үйде болған.
Куәгерлер күмәнді жағдайды байқап, бірден полицияға хабар берген. Оқиға орнына жедел қызметтер шұғыл жеткен.
Полиция қызметкерлері шатырдағы адамның 37 жастағы қала тұрғыны екенін анықтады. Жүргізілген келіссөздер нәтижесінде қайғылы жағдайдың алдын алу мүмкін болды. Арнайы бөлімше сарбаздарының көмегімен ер адам шатырдан аман-есен түсірілді.
Кейін ол жедел жәрдем бригадасына тапсырылып, қажетті медициналық көмек көрсетілді.
Аталған дерек бойынша «өзін-өзі өлтіруге дейін жеткізу» бабы бойынша сотқа дейінгі тергеу басталды. Оқиғаның себептері анықталып жатыр.