RUS
SMARTNEWS.KZ басылымының хабарлауынша, Түркістан облысында бюджет қаржысының қалай оңды-солды жұмсалғаны әшкереленді. Жергілікті шенеуніктер сапасы сын көтермейтін тұрғын үйлерге жүздеген миллион теңге төлеп жіберген.
Жетісай аудандық прокуратурасы жүргізген тексеріс барысында мемлекеттік сатып алу арқылы алынған 28 пәтердің бірде-бірі техникалық талаптарға сай келмейтіні анықталды. Тұрғын үйлерде сыртқы да, ішкі де құрылыс жұмыстары толық аяқталмаған.
Соған қарамастан, нысандар толық қабылданып, мердігерге қаржы толық көлемде аударылған. Яғни, іс жүзінде дайын емес баспана үшін бюджеттен толық төлем жасалған.
Прокурорлық қадағалау актісінің нәтижесінде заңсыз төленген 200 млн теңге жергілікті бюджетке кері қайтарылды.