RUS
SMARTNEWS.KZ басылымының хабарлауынша, Атырау облысында қараусыз қалған көне зираттан адам сүйектері жер бетіне шығып қалған. Әлеуметтік желіде тараған видео қоғамда алаңдаушылық туғызды.
Кадрлар Жылыой ауданындағы Ескі Қаратон елді мекенінің маңында түсірілген. Бейнежазбадан құм астынан ашылып қалған адам сүйектерін анық көруге болады. Алдын ала мәлімет бойынша, бұл қорым ХХ ғасырдың басына тиесілі. Құлпытастардағы жазулар 1949, 1950 және 1965 жылдарды көрсетеді.
Видео авторының айтуынша, қабірлердің ашылып қалуына табиғи факторлар әсер еткен. Нақтырақ айтқанда, күшті жел құмды ұшырып, уақыт өте келе жерлеу орындарын ашып тастаған.
Жаңа Қаратон кентінің әкімі Сансызбай Баймұратов бұл аумақ бұрынғы Қаратон ауылының негізгі зираты болғанын растады. Қорым Құлсары қаласынан шамамен 102 шақырым жерде орналасқан. 1992–2002 жылдары тұрғындар толықтай жаңа қонысқа көшірілгеннен кейін, 2002 жылдан бері бұл жерде жерлеу рәсімдері жүргізілмеген.
Әкімнің сөзінше, қазіргі таңда елді мекенде тұрақты халық жоқ. Табиғи процестердің әсерінен сүйектердің жер бетіне шығу деректері тіркелген.