RUS
SMARTNEWS.KZ басылымының хабарлауынша, Атырауда қазақстандық әнші Төреғали Төреәлі жанкүйерінің ерекше ықыласына куә болып, күтпеген эмоцияға тап болды.
Әсел Үтепбергенова есімді қыз ұзақ уақыттан бері әншінің шығармашылығын қалт жібермей бақылап келеді. Ол концерттеріне тұрақты қатысып, әлеуметтік желілерде белсенді қолдау білдіреді. Жуырда Атырауда өткен концерттен кейін ол күтпеген жерден әншіні көлікте байқап қалады.
Желіде тараған видеода қыздың қозғалып бара жатқан көліктің ішіндегі әртісті танып, артынан жүгіргені көрінеді. Кейін ол жүргізушіден терезені ашуды сұрайды.
Көлік терезесі ашылып, Әсел сүйікті әншісін көрген сәтте эмоциясын жасыра алмай, қуаныштан айқайлап, оған қол созады. Ал Төреғали Төреәлі бұл көрініске күліп, таңданысын жасырмаған.
Жанкүйер видеоны «Менің жарқыраған жұлдызым» деген жазбамен жариялаған.
Кадрлар әлеуметтік желіде жылдам тарап, қызу талқыға түсті. Бірі қыздың шынайы қуанышына сүйсінсе, енді бірі оның эмоциясына әзілмен қарады.
Кейбір қолданушылар «Мұндай жанкүйерді алғаш рет көрдік», «Шынайы эмоция жүрекке жетті», «Әнші де таң қалып тұр», «Қыздың ниеті таза» деген пікір қалдырды.
Әселдің айтуынша, ол әртістің барлық әнін жатқа біледі және жыл сайын концерттерге алдыңғы қатардан билет алып, бірге ән айтуға тырысады.