RUS
SMARTNEWS.KZ басылымының хабарлауынша, Атырауда туристік полиция қызметкерлері Швейцария мен Германиядан келген шетелдік қонақтарға көмек көрсетті. Туристерге қалада бағдар табуға жәрдем беріліп, Қазақстан аумағында мобильді байланыс қолдану тәртібі түсіндірілді. Сонымен қатар қауіпсіздік ережелері жөнінде толық ақпарат ұсынылған.
Шетелдік қонақтар көрсетілген қолдау үшін алғыс айтып, Қазақстандағы қонақжайлылық пен қауіпсіздік деңгейіне жоғары баға берді. Олардың айтуынша, елдің ашық әрі түсінікті сервисі сапарды жеңілдеткен.
«Бұл ел бізге ерекше әсер қалдырды, біз оны өз елімізде міндетті түрде ұсынамыз», – деді туристер.
Полиция өкілдері туристік полицияның негізгі міндеті – елге келген шетелдік және отандық туристердің қауіпсіздігін қамтамасыз ету және оларға ақпараттық қолдау көрсету екенін атап өтті.