Рыбакина Мадридте сүрініп, турнирден шығып қалды
Қазақстанның бірінші ракеткасы ширек финалға жете алмады.
SMARTNEWS.KZ басылымының хабарлауынша, қазақстандық теннисші Елена Рыбакина Мадридте өтіп жатқан WTA-1000 санатындағы турнирдің ширек финалына өте алмады.
Төртінші айналымда ол ресейлік Анастасия Потаповамен кездесіп, 6:7 (8:10), 4:6 есебімен жеңілді. Матч 1 сағат 53 минутқа созылды.
Кездесу барысында Рыбакина қарсыласынан ұтылған ұпайлар саны бойынша да, маңызды сәттерді пайдалану жағынан да қалып қойды. Ол 78 ұпай еншілесе, Потапова 92 ұпай жинады. Брейк-пойнттарды жүзеге асыруда да айырмашылық байқалды: қазақстандық спортшы 10 мүмкіндіктің 3-еуін ғана пайдаланса, қарсыласы 6 мүмкіндіктің 4-ін сәтті аяқтады.
Енді Анастасия Потапова ширек финалда чехиялық Каролина Плишковамен кортқа шығады.
Материал авторы
