RUS
SMARTNEWS.KZ басылымының хабарлауынша, Солтүстік Қазақстан облысында ипподром аумағында болған оқиға ауыр жарақатпен аяқталды. 38 жастағы әйелге жылқы шабуыл жасап, сол қолының екі саусағын тістеп жұлып алған.
Алғашында зардап шеккен адам аудандық ауруханаға жеткізіліп, алғашқы медициналық көмек көрсетілген. Кейін жағдайына байланысты шұғыл түрде облыс орталығына ауыстырылды. Дәрігерлердің айтуынша, бір саусақты сақтап қалу мүмкін болған, ал екіншісін ампутациялауға тура келген.
Дәрігерлер әйелдің жағдайын орташа ауыр деп бағалады. Сонымен қатар сіреспеге қарсы екпе салынып, ол амбулаторлық ем қабылдауға жіберілді.
Облыстық денсаулық сақтау басқармасының өкілі Гүлнар Калиеваның мәліметінше, жарақат кезінде сол қолдың сіңірі де зақымданған. Қажетті медициналық көмек толық көрсетілген.
Спорт басқармасы зардап шеккен әйелдің ипподром қызметкері емес екенін нақтылады. Оның ол жерге қандай мақсатпен барғаны әзірге белгісіз. Құқық қорғау органдары оқиғаның мән-жайын анықтап жатыр.