Серік Сәпиевтің қызы Қазақстан Кубогының жеңімпазы атанды
Аққу Сәпиева Қазақстан Кубогында қарсыластарын артта қалдырды.
SMARTNEWS.KZ басылымының хабарлауынша, Олимпиада чемпионы, қазақстандық боксшы Серік Сәпиевтің үлкен қызы Аққу спорттық-бал биінен Қазақстан Кубогының иегері атанды. Жеңіс туралы жаңалықты спортшының өзі әлеуметтік желіде бөлісті.
Серік Сәпиев Instagram парақшасында қуанышын жасырмай, былай деп жазды:
«Құрметті достар! Жақсы жаңалығыммен бөліскім келеді. Қызым Қазақстан Республикасының Кубогын жеңіп алды!»
Аққу соңғы жылдары би спортында жоғары нәтиже көрсетіп жүр. Оның бұл жеңісі – тұрақты еңбектің және табандылықтың нәтижесі.
Желі қолданушылары жас спортшыны жеңісімен құттықтап, жылы лебіздерін жаудырды. Көпшілік оның өнерін жоғары бағалап, Сәпиевтер отбасын «чемпиондар әулеті» деп атады.
Материал авторы
