RUS
SMARTNEWS.KZ басылымының хабарлауынша, Астана мен Алматыдағы ақша айырбастау пункттерінде доллар мен өзге де шетел валюталарының жаңартылған бағамы жарияланды.
Kurs.kz деректеріне сәйкес, елордадағы айырбастау орындарында АҚШ доллары 461 теңгеден сатып алынып, 468 теңгеден сатылып жатыр. Еуроның сатып алу бағамы – 539 теңге, сату құны – 549 теңге.
Ресей рублі Астанада 5,90–6,20 теңге аралығында саудалануда. Ал қытай юані 66,87 теңгеден қабылданып, 72,87 теңгеден сатылып жатыр.
Алматыдағы валюта нарығында доллар бағамы сәл жоғары. Қаладағы ақша айырбастау пункттері америкалық валютаны 464,43 теңгеден сатып алып, 466,49 теңгеден сатуда.
Еуро Алматыда 540,88–545,88 теңге аралығында құбылып тұр. Рубль бағамы 5,95–6,08 теңге шамасында болса, юань 67,42 теңгеден сатып алынып, 70,04 теңгеден сатылуда.
Сарапшылар валюта бағамының күн сайын өзгеріп отыратынын айтып, айырбастау алдында нақты курсты тексеруге кеңес береді.