RUS
SMARTNEWS.KZ басылымының хабарлауынша, 15 мамырдағы валюта бағамы жарияланды. Астана, Алматы және Шымкент қалаларындағы айырбастау пункттерінде доллар, еуро және рубль бағасы қайта қымбаттаған.
Kurs.kz дерегіне сәйкес, Астанадағы ақша айырбастау орындарында доллар орта есеппен 469,55 теңгеден сатып алынып, 476,48 теңгеден сатылып жатыр. Еуроның сатып алу бағамы — 548,03 теңге, сату бағамы — 557,99 теңге. Ал рубль 6,25–6,55 теңге аралығында саудалануда.
Алматыдағы айырбастау бекеттерінде доллар 471,83 теңгеден қабылданып, 474,49 теңгеден сатылуда. Еуро бағамы 554–558,84 теңге аралығында құбылып тұр. Ресей рублі 6,24–6,38 теңге диапазонында саудалануда.
Шымкентте доллардың сатып алу бағамы 473,41 теңгеге жетсе, сату бағасы 475,52 теңгені құрады. Еуро 549,89–556,07 теңге аралығында айырбасталып жатыр. Рубльдің бағасы 6,27–6,35 теңге шамасында.
Ұлттық банктің 15 мамырға бекіткен ресми бағамына сәйкес, доллар — 474,04 теңге, еуро — 555,01 теңге, ал рубль — 6,45 теңге болып белгіленді.
Сарапшылар әлемдік нарықтағы тұрақсыздық пен мұнай бағасының өзгеруі теңге бағамына қысым жасап отырғанын айтады.