RUS
SMARTNEWS.KZ басылымының хабарлауынша, файтер Шавкат Рахмоновтың бұрынғы жары Гүлайым Рахмонова бесінші сәбиін дүниеге әкелді. Қуанышты жаңалықты ол әлеуметтік желідегі парақшасында жариялады.
Гүлайым Instagram Stories бөлімінде жаңа туған сәбиінің суретін бөлісіп, оқырмандарына сүйінші хабарын жеткізген. Желі қолданушылары жас анаға құттықтау жаудырып жатыр.
instagram.com/kerey_khan03
Айта кетейік, бұған дейін Гүлайым Рахмонова UFC жұлдызы Шавкат Рахмоновпен ажырасқанын ресми түрде мәлімдеген болатын.
Сонымен қатар оның есімі былтырғы ірі жол апатынан кейін қоғам назарында қалған еді. 2025 жылдың шілдесінде Гүлайым Рахмонова басқарған көлік жол-көлік оқиғасына ұшырап, салдарынан екі адам қаза тапқан.
Кейін бұл іс сотта қаралып, Гүлайым Рахмонова Қылмыстық кодекстің 345-бабы 4-бөлігі бойынша кінәлі деп танылды. Сот оны бес жылға бас бостандығынан айырып, жеті жылға көлік жүргізу құқығынан айырған. Алайда негізгі жаза бес жыл мерзімге кейінге шегерілген.
Осы оқиғадан кейін қоғамда қызу талқыланған Гүлайым Рахмонова араға уақыт салып, отбасындағы жаңа қуанышпен бөлісті.