«Мүгедекті қорлады»: Жаңаөзендік белсенді резонанс видеоны «ЖИ жасаған» деп ақталды
Мұратбай Жұмағалиевтың мүмкіндігі шектеулі ер адамға күш қолданғаны туралы ақпарат тараған еді.
SMARTNEWS.KZ басылымының хабарлауынша, атышулы бейнежазба әлеуметтік желілерде шамамен бір аптадан бері кең таралып, қоғамда үлкен резонанс туғызды. Кадрларда 46 жастағы азаматтық белсенді әрі «Өзенмұнайгаз» АҚ қызметкері Мұратбай Жұмағалиев болуы мүмкін азамат мүмкіндігі шектеулі ер адамға күш қолданды деп көрсетілген. Бұл видео желі қолданушылары арасында наразылық тудырды.
Оқиға Маңғыстау облысынан тыс жерлерге дейін кең тарағаннан кейін, Мұратбай Жұмағалиев пен видеода көрсетілген ер адам әлеуметтік желіде бірлескен тікелей эфирге шықты. Олар тараған материалды жоққа шығарып, бейнежазба «жасанды интеллект арқылы толық жасалған фейк» екенін мәлімдеді.
Алайда бұл түсіндірме желі қолданушылары арасында қолдау тапқан жоқ. Көпшілік видео мазмұны мен берілген уәж арасындағы сәйкессіздікке назар аударып, күмәнді пікірлерін білдіруде.
Айта кетерлігі, Мұратбай Жұмағалиевтің есімі бұған дейін де аймақтағы кейбір оқиғаларға байланысты ақпараттарда аталған. Мәліметтерге сәйкес, 2025 жылдың желтоқсанында отбасылық басқосу кезінде туысымен жанжал шығып, ол оқиға бір тараптың ауруханаға түсуімен аяқталған.
Сонымен қатар, Маңғыстау облыстық полиция департаменті аталған бейнежазбаға қатысты әзірге ресми түсініктеме бермеді.
Материал авторы
