RUS
Бұл туралы тараптар Алматыда өткен кездесуде мәлімдеді, деп хабарлайды smartnews.kz сайты Ғылым және жоғары білім министрлігіне сілтеме жасап.
ҚР Президенті жанындағы Ұлттық ғылым академиясының президенті Күнсұлу Закарья екі елдің жоғары оқу орындары мен ғылыми академияларының арасындағы ынтымақтастықты нығайту маңызын атап өтті.
«Біз ғалымдардың халықаралық қатынасты ғылым арқылы дамытудағы ұмтылысын ерекше қолдаймыз. Қазақстан ғылым Академиясы Қытай ғылым академиясымен бірлесіп зерттеу жобаларын қолға алуға және оған жас ғалымдарды тартуға дайын», - деді ол.
Қытай ғылым академиясының вице-президенті Жанг Тао Қазақстан ғылым академиясының президенті мен вице-президенттерін аспан асты елі академиясының мүшесі атануға шақырды.
«Біз қазақстандық әріптестерімізді қытай ғылымының жетістіктерімен таныстыруға ниеттіміз», - деді Қытай ғылым академиясының вице-президенті. Сонымен қатар, ол Қазақстан Ұлттық ғылым академиясының делегациясын Қытайда асыға күтетінін жеткізді.
Сондай-ақ, екі ел ғалымдары математика және өмір туралы ғылым саласындағы зерттеулерге баса назар аударатындығына тоқталды.