Канадада орман өртіне байланысты төтенше жағдай жарияланды
Канаданың батысындағы Альберто провинциясының 25 мыңға жуық тұрғыны 100-ден астам орман өртінен қашып, үйлерін тастап кетті.
Билік өкілдері «бұрын-соңды болмаған дағдарыс» туралы айтып жатыр, деп хабарлайды smartnews.kz сайты Deutsche Welle-ге сілтеме жасап.
Канаданың батысындағы Альберто провинциясында 6 мамырда орман өртінің көбеюіне байланысты төтенше жағдай режимі енгізілді. Провинция премьер-министрі Даниэль Смит «ресурстардың барлығы бұрын-соңды болып көрмеген дағдарыспен күресуге бағытталуы керектігін» мәлімдеді.
Билік өкілдерінің мәліметінше, 25 мыңға жуық адам үйлерін тастап кетуге мәжбүр болған. Кейбірі қайықпен және тікұшақпен қауіпсіз жерлерге жеткізілді. Тағы мыңдаған тұрғынға эвакуацияға дайындалу керегі хабарланды.