Еуро қымбаттап, доллар тұрақтады: 12 маусымдағы валюта бағамы қандай?
Қазақстандағы айырбастау пункттеріндегі доллар мен еуроның жаңа бағасы белгілі болды.
SMARTNEWS.KZ басылымының хабарлауынша, Қазақстанның ірі қалаларындағы айырбастау пункттерінде 12 маусымдағы шетел валюталарының бағамы жарияланды. Доллар, еуро және рубльдің сатып алу-сату құны қалалар арасында аздап ерекшеленеді.
Kurs.kz деректеріне сәйкес, Астана қаласындағы айырбастау орындарында АҚШ долларының орташа сатып алу бағамы 485,05 теңгені, сату бағамы 491,83 теңгені құрады.
Еуроның сатып алу бағамы 562,12 теңге болса, айырбастау пункттері оны орта есеппен 573,39 теңгеден сатып жатыр. Ал ресей рублінің бағасы сатып алуда 6,49 теңге, сатуда 6,80 теңге деңгейінде қалыптасты.
Алматыдағы айырбастау орындарында доллар 487,56 теңгеден сатып алынып, 489,80 теңгеден сатылуда. Еуроның сатып алу бағасы 562,74 теңге, сату бағасы 568,96 теңге болды. Рубль бағамы 6,52-6,66 теңге аралығында өзгеріп отыр.
Шымкентте доллардың сатып алу құны 488,27 теңге, сату бағасы 490 теңге деңгейінде. Еуро 562,88 теңгеден сатып алынып, 567,18 теңгеден сатылуда. Рубльдің бағамы сатып алуда 6,59 теңге, сатуда 6,66 теңгені көрсетті.
Ұлттық банктің ресми бағамына сәйкес, 12 маусымда 1 АҚШ доллары 487,76 теңге, 1 еуро 562,39 теңге, ал 1 рубль 6,75 теңге болды.
Айырбастау орындарындағы нақты бағамдар қалаға, айырбастау пунктіне және валюта көлеміне байланысты өзгеруі мүмкін.
Материал авторы
