RUS
Ведомство басшысының айтуынша, агрохимияға көп көңіл бөлініп отыр.
«Химия – айрықша назар аударуға тұрарлық бағыт. Агрохимияға үлкен назар аударылады. Өздеріңіз жақсы білесіздер, бізде базалық агрохимиялық өнім бар, яғни аммофос, сары фосфор Қазақстанда өндіріледі, оны «Қазфосфат» зауыты шығарады. Қазақстан өз қажеттілігін толық жабады және экспортқа да шығады. Маңғыстау облысында қуаты 400 мың тоннаға жететін «ҚазАзот» азот тыңайтқыштарын өндіреді. Бізде агрохимия саласын екі немесе үш емес, 10 есе арттыруға мүмкіндік бар», - деді министр Астанада Ondeu Expo индустриялық көрмесінде тілшілерге берген сұхбатында.
М. Қарабаевтың айтуынша, бұл үшін бірқатар ірі жобалар жүзеге асырылуда.
«Батыс Қазақстан облысында калий кен орындары бар. Мұнда негізгі агрохимиялық өнімдермен тоқтап қалмау керек. Күрделі минералды тыңайтқыштарға көшу керек. Ол үшін Жамбыл облысында «ЕуроХим» және «Қазфосфат» компанияларының қатысуымен екі ірі жоба жүзеге асып жатыр. Олар өз қуатын бірнеше есе арттыруды жоспарлап отыр», - деді Марат Қарабаев.