Алакөлде қызын құтқармақ болған әйел қаза тапты
Оқиға шомылуға қатаң тыйым салынған аумақта болғаны анықталды.
SMARTNEWS.KZ басылымының хабарлауынша, Абай облысындағы Алакөл көлінде қайғылы оқиға болды. Шомылуға тыйым салынған жерде суға түскен әйел мен оның кәмелетке толмаған қызы бата бастаған. Қыз аман қалғанымен, анасы көз жұмды. Бұл туралы YK-news.kz басылымы жазды.
Оқиға жағалау бойын патрульдеу кезінде тіркелген. Әскери қызметшілер жағалаудан шамамен 50 метр қашықтықта суға батып бара жатқан екі адамды байқап қалған. Кейін олардың шомылуға рұқсат етілмейтін аумақта жүргені анықталды.
Әскери қызметкерлер мен оқиға орнында болған куәгерлер дереу көмекке ұмтылған. Суға батып бара жатқандар 1991 жылы туған әйел мен оның 2012 жылы туған қызы болып шыққан.
Абай облыстық төтенше жағдайлар департаментінің мәліметінше, ағыс екеуін де жағадан алыстатып әкеткен. Құтқарушылар кәмелетке толмаған қызды аман алып қалған.
Алайда әйелді құтқару мүмкін болмаған.
«Өкінішке қарай, әйел қайтыс болды. Оқиға орнына жеткен жедел жәрдем қызметкерлері оның көз жұмғанын растады», – деп хабарлады ведомство.
Осыған байланысты Абай облысының ТЖД тұрғындар мен өңір қонақтарын судағы қауіпсіздік ережелерін қатаң сақтауға және шомылуға тыйым салынған орындарға түспеуге шақырды.
Материал авторы
