RUS
Жаңа орталықтың ашылу салтанатына Қазақстан Республикасы Ақпарат және қоғамдық даму министрі Дархан Қыдырәлі қатысты. Астана-хаб орталығымен бірлескен жоба өңір жастарының бизнес идеяларын жүзеге асыруға мүмкіндік береді. Бұл жерде жастар өздерінің тың жобаларын дамытып қана қоймай түрлі байқауларға қатысып, гранттар ұтып алуына дейін көмек көрсетіледі. Тәжірибелі мамандардан кеңес алып, заманауи цифрлық технологияларды меңгеруіне жағдай жасалған.
«Студенттердің өздерінің жаңадан мүмкіндіктері пайда болады. Яғни, олар ІТ саласы маманы болмай-ақ, ақпараттық жүйе мамандығын оқымаса да, кез келген мамандықта оқыған студенттер осы курстарды өту арқылы өздерінің жобалық проекттерін жасап шыға алады»,- деді «ASTANA-HUB» орталығының аймақтық менеджері Әсел Құлынтаева.
