«Қазгидромет» екі қаладағы ауа сапасының нашарлайтынын ескертті
22 шілдеде екі қалада қолайсыз метеожағдай қалыптасады.
SMARTNEWS.KZ басылымының хабарлауынша, 22 шілдеде Қазақстанның екі қаласында атмосферада зиянды заттардың шоғырлануы күтіледі.
«Қазгидромет» РМК мәліметінше, қолайсыз метеорологиялық жағдайларға байланысты ауадағы зиянды қоспалар жерге жақын қабатта жиналып, таралмайды.
Синоптиктердің болжамынша, 22 шілдеде Ақтөбе қаласында, сондай-ақ түнгі уақытта Атырау қаласында қолайсыз метеорологиялық жағдай қалыптасады.
Мамандардың түсіндіруінше, мұндай жағдай көбіне желдің болмауы немесе әлсіз соғуы, тұман және температуралық инверсия сияқты табиғи құбылыстардың әсерінен пайда болады. Соның салдарынан атмосферадағы ластаушы заттар сейілмей, ауа сапасы уақытша нашарлайды.
Әсіресе, халық тығыз орналасқан және өнеркәсіптік кәсіпорындар шоғырланған аудандарда мұндай құбылыстың әсері айқынырақ байқалады.
Материал авторы
