RUS
Үй тұрғындары әлеуметтік желіге құлаған қаптаманың видеосын салды.
«Ақыры құлады. «Сарыарқа» тұрғын үй кешенінің тұрғындары бірнеше апта бойы дабыл қаққан еді. Үйге әлі он жыл да болған жоқ. Ал керек болса…» деп жазды Facebook-теқала тұрғыны Гүлнар Телман.
Алматы қалалық ТЖД 14 мамыр күні сағат 13:20-да жауапты инспектор 1-ші шағынаудан, Алтынсарин даңғылы 68/4 «Сарыарқа» ТҮК мекенжайына барғанын хабарлады.
«Инспектор келген соң екпіні 13 м/с дейін соққан желдің кесірінен 9 қабатты тұрғын үйдің 400 шаршы метр аумақтағы шеткі жұмсақ қаптамасы құлағаны анықталды (қабырғаның жалпы ауданы 600 шаршы метр). Үйдің жұмсақ қаптамасының құлау қаупіне байланысты бұл учаскені 2 мамырдан бастап Мүлік иелері бірлестігі (МИБ) қоршаған болатын. Қаза тапқандар мен зардап шеккендер болған жоқ. Мұнда қазір МИБ төрағасы, әкімдік қызметкерлері жұмыс істеуде»,-деп хабарлады қалалық ТЖД.