Таңертеңгі дүмпу Алматыны алаңдатты: жер сілкінісі қай жерде болды?
Төтенше жағдайлар министрлігі Алматыда сезілген жер сілкінісінің күші қанша балл болғанын айтты.
SMARTNEWS.KZ басылымының хабарлауынша, Алматы тұрғындары 29 шілде күні жер сілкінісін сезді. Төтенше жағдайлар министрлігінің мәліметінше, қала аумағында жер асты дүмпуінің күші 2 балл болған.
ТЖМ мәліметінше, жер сілкінісі Астана уақытымен сағат 11:09-да «Ұлттық сейсмологиялық зерттеулер және ақпарат орталығы» ЖШС сейсмикалық станциялар желісі арқылы тіркелген.
Мамандардың мәліметі бойынша, жер сілкінісінің ошағы Алматыдан 257 шақырым оңтүстік-шығыс бағытта орналасқан.
Ошағының координаттары: 41,357 солтүстік ендік және 78,778 шығыс бойлық.
Алдын ала мәлімет бойынша, Алматы қаласында жер сілкінісінің сезілу деңгейі 2 баллды құраған.
Қазіргі таңда табиғи құбылысқа байланысты қосымша ақпарат жарияланған жоқ.
Материал авторы
