Найзағай, бұршақ, дауыл және 38 градус ыстық: 17 тамыздағы ауа райы жарияланды

SMARTNEWS.KZ басылымының хабарлауынша, 17 тамызда Қазақстанның бірнеше өңірінде қолайсыз ауа райына байланысты дауылды ескерту жарияланды. Кей жерлерде желдің екпіні 28 м/с-қа дейін жетсе, оңтүстік өңірлерде ауа температурасы 38 градусқа дейін көтеріледі. 

Қай өңірлерде ауа райы күрт өзгереді?

Астана. 17 тамызда солтүстік-батыстан жел соғып, күндіз оның екпіні 15-20 м/с-қа жетеді. Қалада жоғары өрт қаупі сақталады.

Ақмола облысы. Түнде шығыста, күндіз батыс пен солтүстікте жаңбыр, найзағай, бұршақ және дауыл күтіледі. Түнде және таңертең тұман түседі. Желдің екпіні 15-20 м/с болады. Көкшетауда күндіз жаңбыр мен найзағай күтіліп, жел 15-20 м/с-қа дейін күшейеді.

Қарағанды облысы. Солтүстік пен шығыста жаңбыр, найзағай, ал түнде және таңертең солтүстікте тұман болжанады. Желдің екпіні 15-20 м/с-қа жетеді. Өңірдің бірқатар бөлігінде жоғары және төтенше өрт қаупі сақталады.

Ұлытау облысы. Солтүстік пен шығыста солтүстік-батыстан, батыстан жел соғып, екпіні 15 м/с болады. Өңірде төтенше өрт қаупі сақталады. Жезқазғанда да күндіз желдің екпіні 15 м/с-қа жетеді.

Абай облысы. Солтүстік, шығыс және оңтүстікте жаңбыр, найзағай, күндіз бұршақ пен дауыл күтіледі. Желдің екпіні 23-28 м/с-қа дейін күшеюі мүмкін. Өңірде жоғары, ал оңтүстігі мен орталығында төтенше өрт қаупі бар. Семейде де жаңбыр мен найзағай болып, жел 15-20 м/с-қа дейін күшейеді.

Шығыс Қазақстан облысы. Жаңбыр мен найзағай, күндіз солтүстік пен шығыста кей уақыттарда қатты жаңбыр, бұршақ және дауыл күтіледі. Желдің екпіні 23-28 м/с-қа жетуі мүмкін. Өскеменде де жаңбыр, найзағай, бұршақ пен дауыл болжанып отыр.

Солтүстік Қазақстан облысы. Батыс, солтүстік және оңтүстікте жаңбыр, найзағай, бұршақ және дауыл күтіледі. Түнде және таңертең тұман болады. Желдің екпіні кей уақытта 25 м/с-қа дейін жетеді. Петропавлда күндіз жаңбыр, найзағай мен бұршақ күтіледі.

Павлодар облысы. Батыс, солтүстік және орталықта жаңбыр мен найзағай, ал батыста қатты жаңбыр, күндіз бұршақ пен дауыл болуы ықтимал. Желдің екпіні 15-20 м/с болады. Павлодарда да жаңбыр мен найзағай күтіледі.

Қостанай облысы. Күндіз солтүстікте жаңбыр мен найзағай, түнде және таңертең батыс пен солтүстікте тұман болжанады. Желдің екпіні 15-20 м/с-қа жетеді. Өңірде жоғары, ал оңтүстік, оңтүстік-шығыс және орталық бөліктерде төтенше өрт қаупі сақталады.

Оңтүстікте аптап ыстық күшейеді

Алматы облысында күндіз оңтүстік пен таулы аудандарда өткінші жаңбыр, найзағай күтіледі. Желдің екпіні 15-20 м/с болады. Сонымен қатар ауа температурасы 35-36 градусқа дейін көтеріліп, облыстың батысы мен солтүстігінде төтенше өрт қаупі сақталады. Алматы мен Қонаевта күндіз 35 градусқа дейін ыстық болады.

Жетісу облысында шығыс пен таулы аудандарда өткінші жаңбыр мен найзағай күтіледі. Алакөл маңында желдің екпіні кей уақытта 23-28 м/с-қа дейін жетуі мүмкін. Күндіз ауа температурасы 35 градусқа дейін көтеріледі. Өңірде төтенше өрт қаупі сақталады.

Маңғыстау облысында солтүстік-шығыстан жел соғып, оңтүстік пен орталықта екпіні 15-18 м/с болады. Күндіз оңтүстікте ауа температурасы 38 градусқа дейін жетеді. Облыстың барлық аумағында төтенше өрт қаупі сақталады.

Түркістан облысында күндіз батыста шаңды дауыл күтіледі. Солтүстік-батыстан соғатын желдің екпіні батыс пен таулы аудандарда 15-20 м/с-қа дейін жетеді. Төтенше өрт қаупі сақталады. Түркістан мен Шымкентте де өрт қаупі жоғары деңгейде.

Жамбыл облысының таулы аудандарында солтүстік-батыстан жел соғып, екпіні 15-20 м/с болады. Өңірде төтенше, ал шығыс пен оңтүстікте жоғары өрт қаупі сақталады.

Атырау облысында 17 тамызда төтенше өрт қаупі сақталады.

Ақтөбе облысында оңтүстік-батыстан және батыстан жел соғады. Күндіз солтүстік пен солтүстік-шығыста желдің екпіні 15-18 м/с-қа жетеді. Өңірде төтенше өрт қаупі сақталады.

Батыс Қазақстан облысында күндіз солтүстікте аздаған жаңбыр мен найзағай күтіледі. Түнде және таңертең солтүстік пен шығыста тұман болады. Желдің екпіні 15-20 м/с-қа жетеді. Оралда да күндіз жаңбыр мен найзағай болжанып отыр.