Нөсер, бұршақ, қатты жел және 38 градус ыстық: 21 тамызда ауа райы күрт құбылады

SMARTNEWS.KZ басылымының хабарлауынша, 21 тамызға Қазақстанның барлық өңірінде, соның ішінде Астанада да, дауылды ескерту жарияланды. Солтүстік, орталық және шығыс облыстарда жаңбыр, найзағай, бұршақ пен желдің күшеюі болжанып отыр. Кей жерлерде жауын-шашын өте қатты болуы мүмкін. Ал елдің оңтүстігі мен батысында аптап ыстық сақталады. 

Астанада түнде және таңертең тұман түседі.

Ақмола облысында солтүстік пен шығыста жаңбыр жауып, найзағай ойнайды. Түнде және таңертең облыстың солтүстігі, оңтүстігі мен шығысында тұман болады. Оңтүстікте жоғары өрт қаупі, батыста төтенше өрт қаупі сақталады.

Солтүстік Қазақстан облысында түнде және таңертең батыс, солтүстік және оңтүстікте тұман күтіледі. Петропавлда да осы уақытта тұман болады.

Қостанай облысында күндіз батыс пен солтүстік-батыста жаңбыр жауып, найзағай ойнауы мүмкін. Түнде және таңертең батыс пен солтүстікте тұман түседі. Облыста жоғары өрт қаупі сақталса, оңтүстік, оңтүстік-шығыс және орталық бөліктерде оның деңгейі төтенше болады.

Павлодар облысында жаңбыр мен найзағай күтіледі. Түнде облыстың батысы мен оңтүстігінде нөсер жаууы мүмкін. Батыс, оңтүстік және орталықта бұршақ жауып, жел күшейеді. Түнде және таңертең солтүстік пен шығыста тұман түседі. Оңтүстік пен шығыста жоғары, орталықта төтенше өрт қаупі сақталады. Павлодар қаласында жаңбыр, найзағай және бұршақ күтіліп, төтенше өрт қаупі сақталады.

Қарағанды облысында түнде және таңертең солтүстік пен шығыста жаңбыр, найзағай, бұршақ және қатты жел болады. Батыс, солтүстік және шығыста тұман түседі. Батыс, шығыс және оңтүстікте төтенше өрт қаупі сақталады. Қарағандыда түнде және таңертең тұман болады.

Ұлытау облысында түнде және таңертең солтүстік пен шығыста тұман күтіледі. Облыста төтенше өрт қаупі сақталады. Жезқазғанда да өрт қаупі өте жоғары деңгейде.

Шығыс Қазақстан облысында жаңбыр мен найзағай болады. Солтүстік, шығыс және таулы аймақтарда жауын қатты жауады. Күндіз бұршақ жауып, жел күшейеді. Түнде шығыс пен таулы жерлерде өте қатты жаңбыр жаууы мүмкін. Қазақстан Алтайының тауларында сел жүру қаупі бар. Солтүстік-батыс пен орталықта жоғары, оңтүстікте төтенше өрт қаупі сақталады. Өскеменде жаңбыр, найзағай және күндіз бұршақ күтіледі.

Абай облысында түнде жаңбыр мен найзағай, солтүстікте қатты жаңбыр болады. Күндіз батыс, солтүстік және орталықта жаңбыр жауып, найзағай ойнайды. Бұршақ жауып, жел күшеюі мүмкін. Батыс, солтүстік-батыс және орталықта жоғары, оңтүстікте төтенше өрт қаупі сақталады. Семейде жаңбыр, найзағай және күндіз бұршақ күтіледі.

Алматы облысында оңтүстік-шығыста аздаған жаңбыр мен найзағай, таулы аймақтарда өткінші жаңбыр болжанады. Батыс, солтүстік, оңтүстік және орталықта төтенше, шығыста жоғары өрт қаупі сақталады. Қонаевта да жоғары өрт қаупі бар.

Алматы қаласында төтенше өрт қаупі сақталады. Іле Алатауында өткінші жаңбыр жауып, найзағай ойнайды.

Жетісу облысының таулы аудандарында жаңбыр мен найзағай күтіледі. Алакөл көлдері маңында желдің екпіні секундына 30 метрге және одан да жоғары болуы мүмкін. Облыста төтенше өрт қаупі сақталады. Талдықорғанда да жағдай осы деңгейде.

Жамбыл облысының тауларында өткінші жаңбыр мен найзағай болады. Төтенше өрт қаупі сақталып, шығыста жоғары деңгейде болады. Таразда да төтенше өрт қаупі бар.

Түркістан облысында күндіз таулы аудандарда өткінші жаңбыр мен найзағай күтіледі. Облыста төтенше өрт қаупі сақталады. Шымкент пен Түркістан қалаларында да өрт қаупі төтенше деңгейде.

Қызылорда облысында күндіз батыста аздаған жаңбыр, найзағай және шаңды дауыл болуы мүмкін. Облыста және Қызылорда қаласында төтенше өрт қаупі сақталады.

Ақтөбе облысында түнде солтүстік пен орталықта аздаған жаңбыр жауып, найзағай ойнайды. Күндіз солтүстік, оңтүстік және орталықта жаңбыр мен найзағай күтіледі. Орталықта кей уақытта қатты жаңбыр жауып, бұршақ түсіп, жел күшейеді. Батыста ауа температурасы 35 градусқа дейін көтеріледі. Облыста төтенше өрт қаупі, ал орталықта жоғары өрт қаупі сақталады. Ақтөбеде түнде аздаған жаңбыр мен найзағай, күндіз жаңбыр, найзағай және бұршақ күтіледі.

Атырау облысында күндіз аптап ыстық болып, ауа температурасы 38 градусқа дейін жетеді. Облыста төтенше өрт қаупі сақталады. Атырау қаласында күндіз ауа 37 градусқа дейін қызады.

Маңғыстау облысында солтүстік, оңтүстік және орталықта жаңбыр мен найзағай болады. Күндіз ауа температурасы 38 градусқа дейін көтеріледі. Батыс пен солтүстікте төтенше өрт қаупі сақталады. Ақтауда да өрт қаупі төтенше деңгейде.

Батыс Қазақстан облысында түнде солтүстік пен шығыста өткінші жаңбыр мен найзағай күтіледі. Күндіз ауа температурасы 35 градусқа дейін көтеріледі. Облыста төтенше, ал солтүстік пен солтүстік-батыста жоғары өрт қаупі сақталады. Оралда түнде өткінші жаңбыр жауып, найзағай ойнайды.