Күздің алғашқы күні Қазақстанға жаңбыр мен үсік әкеледі

SMARTNEWS.KZ басылымының хабарлауынша, 1 қыркүйекте Қазақстанның бірқатар өңірінде ауа райы күрт құбылады. Елдің солтүстігі мен орталығында жаңбыр мен найзағай күтілсе, кей аймақтарда бұршақ жауып, жел күшеюі мүмкін. Топырақ бетінде үсік жүру ықтималдығы да бар.  

Синоптиктердің мәліметінше, күздің алғашқы күні Астана мен Павлодарда түнгі және таңғы уақытта топырақ бетінде ауа температурасы −1 градусқа дейін төмендеуі мүмкін.

Астанада күн ала бұлтты болады. Таңертең және күндіз жаңбыр жауып, найзағай ойнауы ықтимал. Бұршақ түсіп, жел күшейеді. Түнде ауа температурасы +2…+4 градус болса, күндіз +12…+14 градус шамасында болады.

Алматыда күн құбылмалы. Кей уақытта жаңбыр жауып, найзағай ойнап, жел күшейеді. Түнгі температура +15…+17 градус, күндіз +21…+23 градус болады.

Шымкентте жауын-шашын күтілмейді. Күндіз жел екпінді соғады. Ауа температурасы түнде +16…+18 градус, күндіз +27…+29 градусқа дейін көтеріледі.

Ақтөбеде жауын-шашынсыз күн күтіледі. Түнде +5…+7 градус, күндіз +23…+25 градус болады.

Ақтауда аспан ала бұлтты болғанымен, жауын-шашын болмайды. Түнде +18…+20 градус, күндіз +24…+26 градус күтіледі.

Атырауда күн ашық әрі жауын-шашынсыз болады. Түнгі температура +11…+13 градус, күндіз +27…+29 градусқа жетеді.

Жезқазғанда жауын-шашын болжанбайды. Түнде +6…+8 градус, күндіз +20…+22 градус болады.

Қарағандыда күн ала бұлтты, жауын-шашынсыз өтеді. Күндіз жел күшеюі мүмкін. Түнде +2…+4 градус, күндіз +14…+16 градус күтіледі.

Көкшетауда таңертең және күндіз жаңбыр жауып, найзағай ойнайды. Жел де күшейеді. Ауа температурасы түнде +5…+7 градус, күндіз небәрі +10…+12 градус болады.

Қонаевта кей уақытта жаңбыр жауып, найзағай ойнауы мүмкін. Түнде +15…+17 градус, күндіз +22…+24 градус күтіледі.

Қостанайда жауын-шашынсыз күн болады. Түнде +5…+7 градус, күндіз +14…+16 градус шамасында.

Қызылордада күн ашық, жауын-шашын күтілмейді. Түнгі температура +10…+12 градус, күндіз +24…+26 градус болады.

Павлодарда күндіз жаңбыр жауып, найзағай күтіледі. Түнде және таңертең тұман түсіп, күндіз жел күшейеді. Топырақ бетінде −1 градусқа дейін үсік болуы ықтимал. Ауа температурасы түнде +3…+5 градус, күндіз +14…+16 градус болады.

Петропавлда күн бұлтты. Жаңбыр мен найзағай күтіліп, күндіз бұршақ жауып, жел күшеюі мүмкін. Түнде +3…+5 градус, күндіз +10…+12 градус болады.

Семейде жауын-шашынсыз күн күтіледі. Түнгі температура +3…+5 градус, күндіз +18…+20 градус болады.

Талдықорғанда түнде жаңбыр жауып, найзағай ойнауы мүмкін. Түнде +11…+13 градус, күндіз +23…+25 градус күтіледі.

Таразда жауын-шашын болмайды, алайда күндіз жел күшейеді. Түнде +13…+15 градус, күндіз +24…+26 градус болады.

Түркістанда жауын-шашынсыз күн күтіледі. Күндіз жел екпінді соғып, ауа температурасы +25…+27 градусқа дейін көтеріледі.

Оралда күн ала бұлтты әрі жауын-шашынсыз болады. Түнде +12…+14 градус, күндіз +27…+29 градус күтіледі.

Өскеменде де жауын-шашын болжанбайды. Түнде +4…+6 градус, күндіз +16…+18 градус болады.