Жаңбыр, найзағай және тұман: 15 қыркүйекте Қазақстанда ауа райы қандай болады

SMARTNEWS.KZ басылымының хабарлауынша, 15 қыркүйекте Астана, Алматы және Қазақстанның 16 облысында дауылды ескерту жарияланды. Солтүстік пен шығыста жаңбыр, кей жерлерде найзағай күтіледі. Ал бірқатар өңірде тұман түсіп, өрт қаупі жоғары және төтенше деңгейде сақталады.

Астанада жоғары өрт қаупі сақталады.

Ақмола облысының солтүстігі мен шығысында күндіз жаңбыр жауып, найзағай ойнайды. Облыстың оңтүстігі, солтүстігі, шығысы мен орталығында жоғары өрт қаупі сақталады. Көкшетауда да өрт қаупінің жоғары деңгейі болжанған.

Солтүстік Қазақстан облысының батысы, солтүстігі және шығысында жаңбыр мен найзағай күтіледі. Түнде және таңертең облыстың батысында тұман түседі. Оңтүстік және шығыс бөліктерінде жоғары өрт қаупі сақталады. Петропавлда да жаңбыр жауып, найзағай ойнауы ықтимал.

Қостанай облысының батысы мен солтүстігінде түнде және таңертең тұман болады. Оңтүстік-шығысында жоғары өрт қаупі сақталады.

Павлодар облысының батысы, солтүстігі мен шығысында жаңбыр жауып, найзағай ойнайды. Өңірде жоғары өрт қаупі болжанған. Павлодар қаласында да қауіптің жоғары деңгейі сақталады.

Қарағанды облысында жоғары өрт қаупі сақталса, батысында оның төтенше деңгейі болжанған. Қарағанды қаласында жоғары өрт қаупі бар.

Ұлытау облысында төтенше өрт қаупі сақталады. Жезқазған қаласында да қауіптің ең жоғары деңгейі болжанған.

Шығыс Қазақстан облысының таулы аймақтарында күндіз жаңбыр жауып, найзағай ойнауы мүмкін. Өңір бойынша жоғары өрт қаупі сақталады. Өскеменде де осы қауіптің деңгейі жоғары.

Абай облысында жоғары өрт қаупі сақталып, оңтүстігінде төтенше деңгейге жетеді. Семейде жоғары өрт қаупі болжанған.

Алматы облысының орталығы, батысы мен шығысында төтенше, ал солтүстігі мен оңтүстігінде жоғары өрт қаупі сақталады. Қонаевта төтенше өрт қаупі бар.

Алматы қаласында да жоғары өрт қаупі сақталады.

Жетісу облысында 15-17 қыркүйек аралығында жалпы жоғары өрт қаупі күтіледі. Ал облыстың солтүстігі, оңтүстігі, шығысы мен орталығында төтенше өрт қаупі сақталады. Талдықорғанда да осы кезеңде төтенше өрт қаупі болжанған.

Жамбыл облысы мен Тараз қаласында төтенше өрт қаупі сақталады.

Қызылорда облысы мен Қызылорда қаласында 15-16 қыркүйекте төтенше өрт қаупі болады.

Ақтөбе облысының солтүстік-батысында жоғары және төтенше өрт қаупі сақталады.

Атырау облысының оңтүстігінде төтенше өрт қаупі болжанған. Атырау қаласында да қауіптің ең жоғары деңгейі сақталады.

Маңғыстау облысының солтүстігі мен орталығында жоғары, ал солтүстік-шығысында төтенше өрт қаупі бар.

Батыс Қазақстан облысының солтүстігі мен шығысында түнде және таңертең тұман түседі. Орал қаласында да осы уақытта тұман күтіледі.