RUS
«Магистральды құбырлар арқылы мұнай тасымалдау көлемі 4,5% артып, 16 765 мың тоннаға жетті. Көлемнің өсуіне негізінен ҚазТрансОйл жүйесі бойынша Самара бағытына қарай Қашаған мұнайы көлемінің ұлғаюы, сондай-ақ Дунга және Теңіз кен орындарынан Ақтау порты бағытына мұнай тасымалының ұлғаюы әсер етті», - делінген есепте.
Ал теңіз арқылы тасымал 7 пайыздан астамға кеміген.
«Мұнайды теңіз арқылы тасымалдаудың жалпы көлемі 7,7% немес 2 094 мың тоннаға азайды. Мұның себебі – жеткізілімдердің басқа маршруттарға қайта бағытталуына байланысты қазақстандық жүк жөнелтушілердің Жерорта теңізінмен экспортталатын мұнай көлемін төмендетуі.
ҚМГ мен Әзербайжанның SOCAR компаниясы арасындағы Ақтау – Баку – Джейхан бағыты бойынша жыл сайын көлемі 1,5 млн тонна болатын мұнай транзиті туралы келісім аясында 2023 жылдың сәуір айында Джейхан терминалынан «Petromidia» МӨЗ-і үшін Констанца румын порты бағытына қарай 90 мың тонна көлемінде мұнайдың алғашқы партиясы танкермен тасымалданды», - деп жазылған компанияның мәліметінде.