Астанада түнде +2 градусқа дейін суытады: 13 қазандағы ауа райы болжамы
Бүгін бірнеше өңірде тұман мен жаңбыр күтіледі.
SMARTNEWS.KZ басылымының хабарлауынша, Қазақстанда 13 қазанда күздің жылы күндері жалғасады. Елдің басым бөлігінде жауын-шашын күтілмейді. Дегенмен, кейбір өңірлерде түнде және таңертең тұман түсіп, жекелеген қалаларда жаңбыр, найзағай және екпінді жел болуы мүмкін. Ақтауда шаңды дауыл соғуы ықтимал.
Астана, Алматы және Шымкент
Астанада күн құбылмалы бұлтты болып, жауын-шашын болмайды. Түнде ауа температурасы +2…+4 градус, күндіз +13…+15 градус шамасында болады.
Алматыда да жауын-шашын болжанбайды. Түнде +10…+12 градус, күндіз +20…+22 градус жылы болады.
Шымкентте күн құбылмалы бұлтты. Түннің алғашқы жартысында жаңбыр жауып, найзағай ойнауы және желдің екпіні күшеюі мүмкін. Түнгі температура +8…+10 градус, күндіз +21…+23 градус болады.
Батыс және оңтүстік өңірлер
Ақтауда күн құбылмалы бұлтты болады. Күндіз шаңды дауыл соғып, жел екпін алуы ықтимал. Түнде ауа температурасы +14…+16 градус, күндіз +24…+26 градусқа дейін көтеріледі.
Атырауда күн ашық болып, жауын-шашын болмайды. Түнде +12…+14 градус, күндіз +25…+27 градус жылы болады.
Ақтөбеде күн ала бұлтты. Түнде және таңертең тұман түседі. Ауа температурасы түнде +5…+7 градус, күндіз +21…+23 градус болады.
Жезқазғанда жауын-шашынсыз, құбылмалы бұлтты ауа райы күтіледі. Түнде +6…+8 градус, күндіз +18…+20 градус болады.
Қызылордада күн аздап бұлтты болып, жауын-шашын жаумайды. Түнде +9…+11 градус, күндіз +24…+26 градусқа дейін жылынады.
Таразда жауын-шашын болмайды, бірақ түнде және таңертең тұман түсуі мүмкін. Түнгі температура +8…+10 градус, күндіз +19…+21 градус болады.
Түркістанда күн құбылмалы бұлтты, жауын-шашынсыз болады. Жел екпінді соғуы ықтимал. Түнде +8…+10 градус, күндіз +22…+24 градус күтіледі.
Оралда да жауын-шашын болжанбайды. Түнде ауа температурасы +8…+10 градус, күндіз +22…+24 градус болады.
Солтүстік және орталық өңірлер
Қарағандыда күн құбылмалы бұлтты болып, жауын-шашын жаумайды. Түнде және таңертең тұман түседі. Температура түнде +2…+4 градус, күндіз +13…+15 градус болады.
Көкшетауда түнде +3…+5 градус, күндіз +14…+16 градус күтіледі. Жауын-шашын болмайды.
Қостанайда күн құбылмалы бұлтты болады. Түнгі температура +1…+3 градус, күндіз +18…+20 градусқа жетеді.
Павлодарда жауын-шашынсыз ауа райы болжанады. Түнде +3…+5 градус, күндіз +11…+13 градус болады.
Петропавлда күн құбылмалы бұлтты болып, күндіз аздап жаңбыр жаууы мүмкін. Түнде +4…+6 градус, күндіз +12…+14 градус күтіледі.
Шығыс және оңтүстік-шығыс өңірлер
Семейде жауын-шашын болмайды. Түнде ауа температурасы +2…+4 градус, күндіз +13…+15 градус болады.
Өскеменде түнде және таңертең жаңбыр жауып, тұман түсуі ықтимал. Түнгі температура +2…+4 градус, күндіз +12…+14 градус болады.
Талдықорғанда жауын-шашынсыз, құбылмалы бұлтты ауа райы күтіледі. Түнде +1…+3 градус, күндіз +18…+20 градусқа дейін жылынады.
Қонаевта күн құбылмалы бұлтты болып, жауын-шашын жаумайды. Түнде +8…+10 градус, күндіз +20…+22 градус болады.
Материал авторы
