Тұман, шаңды дауыл, екпінді жел: Қазақстанның 16 облысында дауылды ескерту күшіне енеді

Ақмола облысы. Түнде және таңертең облыстың солтүстігінде, оңтүстігінде және шығысында тұман күтіледі. Көкшетауда да түнде және таңертең тұман түседі.

Солтүстік Қазақстан облысы. Түнде және таңертең батысы мен оңтүстігінде тұман болады. Күндіз облыстың батысында, оңтүстігінде және шығысында солтүстік-шығыстан соққан желдің екпіні секундына 15–20 метрге жетеді.

Қостанай облысы. Түнде және таңертең батысы мен солтүстігінде тұман түседі. Облыстың оңтүстігінде жоғары өрт қаупі сақталады.

Павлодар облысы. Түнде және таңертең солтүстігі мен орталығында тұман күтіледі. Күндіз батысы мен солтүстігінде солтүстік-батыстан соққан желдің екпіні секундына 18 метрге дейін жетеді. Павлодар қаласында да түнде және таңертең тұман болады.

Қарағанды облысы. Түнде және таңертең солтүстігі мен шығысында тұман түседі. Күннің екінші жартысында облыстың солтүстігі мен шығысында солтүстік-батыстан соққан жел солтүстік-шығысқа ауысып, екпіні секундына 15–20 метрге жетеді. Батысында төтенше өрт қаупі сақталады. Қарағандыда түнде және таңертең тұман болып, күндіз желдің екпіні секундына 15 метрге дейін күшейеді.

Ұлытау облысы. Батысында, оңтүстігінде және орталығында төтенше өрт қаупі сақталады. Жезқазғанда да осындай қауіп бар.

Шығыс Қазақстан облысы. Түнде және таңертең батысы мен солтүстігінде тұман күтіледі. Солтүстігі мен шығысында солтүстік-батыстан соққан желдің екпіні секундына 15–20 метрге жетеді.

Абай облысы. Түнде және таңертең оңтүстігі мен солтүстігінде тұман болады. Облыстың солтүстігі мен орталығында оңтүстік-батыстан соққан жел солтүстік-батысқа ауысып, екпіні секундына 15–20 метрге дейін күшейеді.

Алматы облысы. Шығысында солтүстіктен және солтүстік-шығыстан соғатын желдің екпіні секундына 18 метрге дейін жетеді.

Жамбыл облысы. Таулы аудандарда солтүстік-шығыстан соққан желдің екпіні секундына 15–20 метр болады.

Түркістан облысы. Таулы аудандарда тұман күтіледі. Батысы мен таулы аймақтарында солтүстік-шығыстан соққан желдің екпіні секундына 15–20 метрге жетеді. Түркістан қаласында да желдің екпіні секундына 15–20 метрге дейін күшейеді.

Қызылорда облысы. Күндіз шығысында солтүстік-шығыстан соғатын желдің екпіні секундына 15–20 метрге жетеді. Облыс бойынша төтенше өрт қаупі сақталады, солтүстігі мен орталығында жоғары өрт қаупі бар. Қызылорда қаласында да төтенше өрт қаупі жарияланған.

Ақтөбе облысы. Түнде және таңертең солтүстігінде тұман түседі. Шығысында жоғары өрт қаупі сақталса, батысында, оңтүстігінде және орталығында төтенше өрт қаупі бар. Ақтөбеде де түнде және таңертең тұман күтіледі.

Атырау облысы. Күндіз солтүстігі мен шығысында шаңды дауыл соғуы мүмкін. Оңтүстік-шығыстан соққан желдің екпіні секундына 15–20 метрге жетеді. Облыс бойынша жоғары өрт қаупі, ал оңтүстігінде төтенше өрт қаупі сақталады. Атырау қаласында да күндіз шаңды дауыл күтіліп, желдің екпіні секундына 15–18 метрге дейін күшейеді. Қалада төтенше өрт қаупі бар.

Маңғыстау облысы. Күндіз орталығында шаңды дауыл болады. Батысы мен орталығында оңтүстік-шығыстан соққан желдің екпіні секундына 15–20 метрге жетеді. Облыстың орталығында жоғары өрт қаупі сақталады. Ақтауда оңтүстік-шығыстан соққан желдің екпіні секундына 15–20 метрге дейін күшейеді.

Батыс Қазақстан облысы. Күндіз оңтүстігі мен орталығында шаңды дауыл соғуы ықтимал. Оңтүстік-шығыстан соққан желдің екпіні секундына 15–20 метрге жетеді. Облыстың батысында, оңтүстігінде және шығысында жоғары өрт қаупі сақталады.