Бельгия королі мен патшайымының Алматыдағы сапарына байланысты жол қозғалысы шектеледі
Қазақстан мен Бельгияның ресми делегациялары қатысатын іс-шараларға байланысты қаладағы жол қозғалысын ұйымдастыру тәртібі уақытша өзгереді.
SMARTNEWS.KZ басылымының хабарлауынша, 14 қазанда Бельгия королі Филипп пен патшайым Матильданың Алматыға мемлекеттік сапарына байланысты қаладағы жол қозғалысын ұйымдастыру тәртібі уақытша өзгереді. Осыған орай Алматының кей аудандарында көлік қозғалысына шектеулер қойылуы мүмкін.
Сапар аясында Қазақстан мен Бельгияның ресми делегациялары, сондай-ақ іскерлік және академиялық орта өкілдері қатысатын бірқатар іс-шара өткізу жоспарланған.
Ресми кездесулер мен іс-шаралардың ұйымдастырылуына байланысты жол қозғалысына уақытша өзгерістер енгізілуі ықтимал.
Қала тұрғындары мен қонақтарынан осы өзгерістерді ескеріп, жол жүру бағытын алдын ала жоспарлау және уақытша қолайсыздықтарға түсіністікпен қарау сұралды.
Материал авторы
