RUS
«Жойқын өртті оқушы ұйымдастыруы мүмкін. Ол өртті жатақхана коменданты мен мұғалімі оның ұялы телефонын алып қойғаннан кейін қойды деген күдік бар», - делінген ресми хабарламада.
Патологоанатомның қорытындысына сәйкес, 6 адам түтіннен уланып және күйік шалып қаза тапты. 13 адамның мәйіті Гайананың астанасы Джорджтаунға сараптамаға жіберілді.
30 бала ауруханаға жатқызылды.
Дүйсенбіде ел президенті Ирфаан Али үш күнге аза тұту жариялады. Ол Махди ауруханасындағы балаларға барып, қаза тапқандардың ата-анасымен кездесті.
Үкіметтегі белгісіз дереккөз AFP агенттігіне Махди аудандық ауруханасында қызды полиция күзетіп отырғанын хабарлаған, ол қыз өрт қойғанын мойындаған.
«Олар (жатақхана қызметкерлері) қыздың ұялы телефонын алып қойған, кейін ғимаратты өртейтінін айтып, қорқытқан. Мұны бәрі естіген», - деді дереккөз.
Еске салайық, Махди қаласындағы орта мектеп жатақханасында өрт дүйсенбі күні түнде, балалар ұйықтап жатқанда шыққан. Сол кезде ғимаратта 57 оқушы болған.
Гайана – Оңтүстік Американың солтүстік-шығысындағы мемлекет, ол Венесуэла мен Суринам арасында орналасқан.