"Ұятсыздар": Ерке Есмахан өзі жайлы жалған ақпарат таратқандарға үндеу жолдады

Әншінің айтуынша, желіде Раимның Ерке Есмаханды тастап кеткені жайлы жалған ақпарат тараған. Ал әнші өз отбасына деген теріс ниетті жандарға жазба арнап, жалған ақпаратқа нүкте қойды.

"Біреудің бақытын емес, қайғысын күтіп отыратын заман, қоғам болды ғой. Жұмысымен Америкаға барып келгенге, (Раимның - ред.) "тастап кетті" деп жар салып, жаңалық жасап... Ұятсыздар! "Осы қашан тастап кетті, ажырасып кетті деп айтады" деп армандап жүрген қара ниетті адамдарға айтарым: сіздерді Аллаға тапсырдық! Әр қисық сөз, арам ой жазғаныңыз үшін өзіңіз жауап бересіз. Жолдасым екеуімізге Алла сабыр және мол бақыт берсін", - деп жазды Ерке Есмахан.