RUS
Жаңа зерттеу 2020 жылдың көктемінде жарияланды.
Ғалымдар қарапайым қан талдауы арқылы онкологиялық аурулардың 50-ден астам түрлі белгілері пайда болғанға дейін оларды ерте сатыда анықтауды ойластырып отыр.
Ауқымды сынақ 2021 жылы Ұлыбритания мен АҚШ-та басталды.
«Галерея» деп аталатын тест механизмі генетикалық код, яғни ДНҚ-да ісіктен қанға түсетін химиялық өзгерістердің белгілерін іздейді.
Ғалымдар әдістеме бойынша жұмыс әзірге аяқталмағанын, бірақ сынақтың бірінші кезеңінен кейін ауыр дерттен құтылған науқастар саны артады деп айтуға болатынын атап өтті.
Сынақ әсіресе бас және мойын, ішек, өкпе, ұйқы безі және тамақтағы қатерлі ісікті анықтауда тиімді.
Ұлыбританияның NHS денсаулық сақтау жүйесі әдісті 2024-2025 жылдары тағы бір миллион адамға сынап көруді жоспарлап отыр.
«Қатерлі ісікті ерте анықтау өте маңызды. Бұл сынақ бізге қатерлі ісік ауруларын ертерек анықтауға және мыңдаған адамның өмірін сақтап қалуға көмектеседі», - дейді NHS онкология департаментінің басшысы, профессор Питер Джонсон.
Әдісті әзірлеп, зерттеген - Дана-Фарбер онкология институты мен Гарвард медицина мектебінің америкалық ғалымдар тобы және Фрэнсис Крик институты, Лондон университеттік колледжінің ғалымдары.
Зерттеу нәтижесі Оксфорд университетінің Аnnals of Oncology академиялық журналында жарияланған.
Жобаны Кремний алқабындағы стартап Grail қаржыландырып жатыр, оның инвесторлары арасында Amazon негізін қалаушы Джефф Безос бар.