Алматылық онкологтар 60 жастағы науқастың бетінен үлкен ісікті алып тастады

Алматы қалалық қоғамдық денсаулық сақтау басқармасының мәліметінше, Алматы онкология орталығына бетінде үлкен ісігі бар 60 жастағы пациент түскен.

Ол барлық диагностикалық зерттеулерден, оның ішінде гистологиядан өтті.

Сырқатқа «сол жақ бет терісінің 4-ші кезеңдегі қатерлі ісігі, ыдырау, ауырсыну синдромы» диагнозы қойылды.

Орталықтың онкологтары науқасқа асқан шеберлікті қажет ететін бірегей операция жасады.

Ісікті алып тастаған соң бетінде үлкен ақау пайда болды, мұрынның сол жартысы мен жоғарғы ерін, яғни, беттің сол жақ жартысы толығымен жойылды.

«Ақауды қалпына келтіру үшін үш жерден тері аламыз деп шештік. Яғни, бет терісін қалпына келтіру үшін бет артериясы мен қан тамырларының түбінде, иек аймақтарының астынан тірек-қимыл аппараты кесілді, жоғарғы ерінді қалпына келтіру үшін сол жақтағы жақ аймағының фасцио-тері жамылғысы кесілді, мұрынды қалпына келтіру үшін маңдайдан фасцио-тері жабыны кесілді. Осылайша беттің сол бөлігін қалпына келтірдік», – дейді онкохирург Саттар Аппазов.

5 сағатқа созылған ота сәтті өтіп, науқас 10-шы күні үйіне шықты.

«Онкологтар сырқат әбден мазалағанша күтпей, скринингтен уақытылы өту қажет екенін ескертеді. Себебі, ерте кезеңде анықталған ауру жақсы емделеді, кей жағдайларда оны тіпті толық емдеуге болады», - деп хабарлады қалалық қоғамдық денсаулық сақтау басқармасы.