Түркия үкіметі Семей орманшыларының қазасына көңіл айтты
Түркия Сыртқы істер министрлігі Қазақстанның Абай облысындағы өртте адамдардың қаза болуына байланысты көңіл айтты, деп хабарлайды smartnews.kz сайты Анадолыға сілтеме жасап.
«Абай облысында 14 орманшының қазасы туралы хабарды зор күйзеліспен қабылдадық. Қазақстанның дос әрі бауырлас халқына және үкіметіне көңіл айтамыз», - делінген ведомствоның Twitter-аккаунтында.