RUS
ҚР Сыбайлас жемқорлыққа қарсы іс-қимыл агенттігінің СҚО бойынша департаментінің хабарлауынша, әкімдік ферма басшылығын ауыстыру туралы қаулыны өзгертуден бас тартқан. Ал фермер болса, шаруашылыққа қатысты заңды қызметіне кедергі келіп, субсидиялары мен мемлекет қолдауынан айырылып қалмас үшін Сыбайлас жемқорлыққа қарсы іс-қимыл агенттігінің көмегіне жүгінген.
Жалпы зерттеу бойынша, Жер кодексінің 54-бабына сәйкес, үлестiк меншiкке (үлестiк жер пайдалануға) қатысушылардың алдағы жиналысы туралы хабарлама оның өткiзiлетiн күнiнен бiр айдан кешiктiрiлмей жазбаша түрде қолхат алу арқылы жүргiзiлуі тиіс. Тиiсiнше хабарланған жағдайда үлестiк меншiкке (үлестiк жер пайдалануға) қатысушылардың немесе олардың өкiлдерiнiң кемiнде 50%-i қатысқан кезде жиналыстың құқықтық күшi бар деп саналады.
Осы бапты негізге ала отырып Департамент екі жақпен келіссөз диалогтық кездесу өткізген. Нәтижесінде аудан әкімі Сәдуақасов Жанат қаулысы шығарылған.
Департаменттің баспасөз орталығының сөзінше, жеке кәсіпкердің Жер кодексінде көзделген талаптарды сақтағаны анықталған.