RUS
«Бозащы Мұнай» ЖШС кәсіпорнына қарасты Оңтүстік Қаратұрын мұнай-газ кен орнында 9 маусым күні бұрғылау кезінде апат орын алды. Өртті сөндіру үшін бас геолог Александр Касьяненко ұңғыма кратерін ауыр бұрғылау ерітіндісімен толтыру қажет немесе қосымша тағы бір бүйірлік ұңғыма қазу керегін айтқан болатын. Десе де бұрғылау жарылған сәтте оны су шашып, не қосымша ұңғыма қазу арқылы сөндіру бұрғылаудың атылуына себепкер болуы мүмкін. Сондықтан жергілікті геолог, мұнайшы мамандар өрттің өзі сөнгенін күту керегін айтқан болатын.
Өрттің өзі сөнуін күту қате шешім екендігін 13 маусым күні өртті ауыздықтауға арналған ведомствоаралық кеңеске қатысқан сала ардагері Балтабек Қуандықов мүмкін емес екенін жеткізді.
– Бізде газ қысымын төмендеп, өрттің өзі сөнгенше күтетін уақыт жоқ. Өртті сөндіру шараларының алгоритмі шұғыл түрде жасалуы керек. Барлық жауапты тұлғалардың қосылуы қажет. Қаржыландырудың қажетті көлемі мен материалдық-техникалық база тізбегі көрсетілуі тиіс, – деген пікір білдірді.
Дәл қазір Қаратұрындағы жағдай біртіндеп ушығып барады. Ұңғыма аумағына табиғатты ластайтын заттар табылып жатыр. Аумақтағы топырақ пен ауа сынамасын талдаудан өткізген мамандардың айтуынша қоршаған ортаны ластаушы заттардың құрамынан метан мөлшерден тыс деңгейде табылған. Ал метан газы климаттың өзгеруіне кері әсер ететін газ түрі.
Әзірге өртті тезірек ауыздықтандыру үшін өңірде шаралар қолданылып жатыр.
Дана Асылбекова