RUS
Авиациялық қолдау Алматы қаласының әкімдігімен ұсынылды.Сел қаупі бар кезеңде барлығы 19 бекет жұмыс істейтін болады, оның 9-ы жыл бойы жұмыс істеуде.
Алматы қаласының маңында 51 мореналық көл бар, осы жазда олардың ішіндегі 6 аса қауіпті көлде босату жұмыстары жүргізілетін болады.
Қазіргі таңда мореналық көлдердің толуы байқалуда, бірақ олардағы су деңгейі шектік белгілерге жеткен жоқ, көлдің салалары байқалмайды. Көлдерді судан босату және эвакуациялық арналарды тереңдету, қосымша сифонды құбырларды орнату және монтаждау бойынша алдын алу жұмыстарын ағымдағы жылдың 20 маусымынан кейін бастау жоспарлануда.
Сонымен қатар сел қаупі мониторингінің автоматтандырылған жүйесінің (АСМ) 31 станциясының көмегімен мореналық көлдерінің серпінділігін бағалауға және нақты уақыт режимінде гидрометеорологиялық жағдайды қашықтықтан бақылауға болады. Бұл жүйе сел қаупі бар кезеңдегі жағдайды тәулік бойы бақылауда ұстауға мүмкіндік береді, - делінген хабарламада.
Жалпы маусым-қыркүйек айлары аралығында қаладағы сел ахуалы Алматы қаласы Төтенше жағдайлар департаментінің және «Қазселденқорғау» мекемесінің ерекше бақылауында болады.