RUS
Мұндай мүмкіндік Қазақстан Республикасы Президенті жанындағы «Дара» дарындыларды қолдау қоры мен Нью-Йорк кино өнері академиясының (New York Film Academy) арасындағы Меморандум аясында туып отыр, деп хабарлайды smartnews.kz сайты.
Меморандумға ҚР Президенті жанындағы «Дара» дарындыларды қолдау қорының басшысы Нұрлан Қоянбаев пен Лос-Анджелестегі Нью Йорк кино академиясы кампусының деканы Дэн Маклер қол қойды.
New York Film Academy іргесіндегі тағылымдама барысында «MOB FEST» жеңімпаздары режиссура, бейнемонтаж, сценарий жазу бағдарламалары бойынша бір апталық оқу курсынан өтеді.
Байқаудың І кезеңінде 100 үздік қатысушы іріктеліп алынды. Қорытынды кезеңге өткен олар енді ақтық сында бақ сынайды. Байқау нәтижесінде топ жарған 20 жұмыс авторы АҚШ-та тағылымдамадан өтеді. Сондай-ақ 40 жеңімпаз ақшалай сыйлықпен марапатталса, 40 қатысушыға «Мобилография PRO» курсын онлайн оқуға мүмкіндік беріледі.
Қазақстан Республикасы Президентінің жанындағы «Дара» дарындыларды қолдау қоры талантты жастарды қолдауға, олардың шығармашылық әлеуетін жүзеге асыруға және Қазақстандағы креативті индустрияны дамытуға бағытталған.