RUS
«Қазіргі таңда 29 мыңнан астам азаматымыз тұрғын үй кезегінде тұр. Өңір бойынша 52 тұрғын үй салынып жатыр. 10 тұрғын үйді биыл, ал келесі жылы 32 тұрғын үйді пайдалануға береміз. Келесі жылы салынатын үйлердің ішінде 24 үйді кезекте тұрған азаматтарға береміз», - деді облыс басшысы Орталық коммункациялар қызметіндегі баспасөз мәслихатында.
Оның атап өтуінше, 35 жасқа дейінгі жастарды тұрғын үймен қамту үшін «Атырау жастары» бағдарламасы бекітілді. Атырау қаласында 18 млн теңгеге дейін, ал аудандарда 13 млн теңгеге дейін жылдық мөлшерлемесі 5 пайыздан аспайтын ипотека беру қарастырылған. Бастапқы жарна – 10 пайыз. Ал, қарызды өтеу мерзімі – 20 жылға дейін. Алғашқы кезеңде осы бағдарлама аясында 100-ге жуық жас маманды баспанамен қамту жоспарланып отыр.
«Бақытты отбасы – Атырау» бағдарламасы қабылданды. Бұл бағдарламаның ерекшелігі - қатысушыларға бастапқы жарнасыз қолданыстағы үйді сатып алуға мүмкіндік беріледі», - деді Серік Шәпкенов.