RUS
Оқиға Жетісу облысына қарасты Талдықорған мен Жаркент қалаларында анықталған. Полиция қызметкерлері "Қарасора" арнайы операциясының төңірегінде екі жер үйді анықтаған. Марихуана өсірді деген күдікке ілінушілердің бірі Жаркент қаласының 46 жастағы тұрғыны. Күдіктінің ауласынан 19 қарасора бұтасы табылса, ал Талдықорғандағы үйден 38 жастағы ер адам 80 бұта қарасораны өсірген.
Жетісу облысы ПД есірткі қылмысына қарсы іс-қимыл департаменті аталған іске қатысты былай деп мәлімдеме берді:
– Қазір екі дерек бойынша ҚР ҚК-нің 300-бабында (Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру) көзделген сотқа дейінгі тергеу амалдары басталды. Екі күдіктіге қатысты ешқайда кетпеу бұлтартпау шарасы таңдалды, – деп хабарлады.
Екі күдіктінің бұған дейін де есірткі қылмысы бойынша қылмыстық жауапкершілікке тартылғаны белгілі болды.