RUS
Маск туиттерде Цукербергпен «торда айқасуға дайын» екенін жазды.
Оған Meta басшысы Цукерберг жауап ретінде Маск туитінің скриншотын жариялап, «қайда кездесетінімізді айтыңыз» деді.
Meta компаниясының өкілі BBC-ге «бұл жағдай түсіндіруді қажет етпейтінін» айтnы.
Цукербергтің сұрағына Маск жауап жіберді: «Вегастағы Октагон (сегізбұрыш)».
Октагон - Ultimate Fighting Championship ұйымы ұйымдастырған жекпе-жек өтетін арнайы қоршалған арена. Ол Невада штатының Лас-Вегас қаласында орналасқан.
Осы айдың соңында 52 жасқа толатын Илон Маск туиттерде «Ешқашан жаттығу жасамаймын, тек кейде балаларымды көтеріп аспанға лақтырамын» деп жазды.
Ал 39 жастағы Цукерберг көп жылдан бері аралас жекпе-жекпен айналысады және джиу-джитсу турнирлерінде жеңімпаз атанған.
BBC Twitter компаниясына да хабарласып көрді. Бірақ компания өкілдері түсініктеме де, пікір де білдірмеді.
Маск пен Цукерберг арасындағы хат алмасу дереу көпшілік арасында тарап кетті. Желі қолданушылары бұл айқаста кім жеңіске жетуі мүмкін екенін талқылап жатыр.
Meta маусымда туиттерге бәсекелес болатын жазба әлеуметтік желісін құру туралы жоспарын бөліскен болатын.
Meta өкілі BBC-ге платформа дайындалып жатқанын растады.
Ол Масктың туиттеріне BlueSky мен Mastodon-нан да мықты бәсекелес болуы мүмкін.