RUS
Талдау көрсеткендей, алимент төлемеудің негізгі себептері – борышкерлердің ресми жұмыс орнының, кірістері және өндіріп алуға болатын мүліктердің болмауы.
«2023 жылдың 5 айында алимент төлемдері бойынша сот актілерін орындамағаны үшін 1 094 борышкер әкімшілік жауапқа тартылған. Ішкі істер органдарына Қылмыстық кодекстің 139-бабы шеңберінде 410 ұсыным жолданды, оның 76-сы сотқа жолданды, 196 ақтайтын негіздер бойынша тоқтатылды, 21 істі ақталмайтын негіздер бойынша тоқтату туралы шешім қабылданды», - деді министр орталық коммуникациялар қызметінде.
Сонымен бірге, 7 мыңға жуық борышкердің Қазақстан Республикасынан шығуына уақытша шектеу қойылған.
«Кей жағдайларда борышкердің тұрақты табысы мен мүлкінің болмауына байланысты алимент өндіру қиынға соғады. Осыған байланысты, өңірлік әділет департаменттері әкімдіктермен бірлесіп, борышкерлерді тұрақты жұмысқа тұрғызу жәрмеңкелер өткізеді. Мысалы, 2022 жылдың 5 айында республика бойынша 1 400 борышкер жұмысқа орналастырылған», - деді Азамат Есқараев.