RUS
Оқиға Индер ауданының Есбол ауылында болған.
Бұл деректі облыстық полиция департаментінің баспасөз қызметі растады.
«Индер ауданында 21 маусым күні таңғы сағат 4:30 шамасында 1959 жылғы ер адам қайтыс болған. Зейнет жасындағы ер адамды 1985 жылғы ұлы соққыға жыққан. Қазір күдікті ұсталып, қамауға алынды. Күдіктіге қатысты ҚР Қылмыстық кодексінің 106-бабының 3-бөлігімен сотқа дейінгі тергеу амалдары жүргізіліп жатыр»,-деп хабарлады полиция департаментінің баспасөз қызметі.
Күдіктінің мұндай әрекетке бару себебі әзірге белгісіз. Оны тергеу амалдары анықтайды.
Еске сала кетелік, бұдан бұрын Атырауда үш адамды қасақана өлтіріп, біреуін жаралаған жігіт өмір бойына сотталған еді.
Сотталушыға ҚР Қылмыстық кодексінің 287-бабының 3-бөлігімен, 24-бабының 3-бөлігімен, 99-бабының 2-бөлігінің 1,6-тармақтарымен, 99-бабының 2-бөлігінің 1,6-тармақтарымен айып тағылған.
«Сот үкімімен сотталушы К. ҚК-тің 287-бабының 3-бөлігі, 24-бабының 3-бөлігі, 99-бабының 2-бөлігі 1,6-тармақтары, 99-бабының 2-бөлігінің 1,6-тармақтарымен кінәлі деп танылды. Сотталушының жеке басын, жасалған қылмыстың сипаты мен дәрежесінің қоғамға қауіптілігін, оның қылмыс жасағанға дейінгі және кейінгі мінез-құлқын ескеріп, әділ жаза тағайындау және жаңа қылмыстардың алдын алу қағидаларын басшылыққа алып, түпкілікті өмір бойына бас бостандығынан айыру жазасын тағайындалды. Жәбірленушілердің пайдасына 44 млн теңгеден астам материалды және моральды залал өндірілді», -деп мәлім етті облыстық соттың баспасөз қызметінен.