RUS
2022 жылдың күзінде Ғалымжан Молданазардың "Көгершін" әніне музыкалық бейнебаян түсірілген болатын. Араға сегіз ай салып, Cannes World Film Festival байқауында бейнебаянның режиссері Мәлік Зеңгер "Үздік музыкалық бейнебаян режиссері" атанды.
Бес минуттық бейнебаян қазір әлемде болып жатқан қанды оқиғаларды көрсетіп, астарымен сынаған. Бейбітшілік пен бірлікте өмір сүрудің маңызын балалардың хикаясы арқылы көрсеткен бейнебаян мен режиссердің жұмысын әділ-қазылар өте жоғары бағалаған.
Түсірілім процесі үш күн бойы Алматыдан 300 шақырым жерде өткен. Бейнебаянның түсіріліміне шамамен 100 бала қатысқан.