RUS
Polisia.kz-тің хабарлауынша, 1 шілде күні Атбасар аудандық полиция бөлімінің кезекші бөліміне ауыл тұрғынынан өтініш түскен. Ол белгісіз адам оған және оның келініне алаяқтық жолмен онлайн-микронесиелер рәсімдегенін хабарлады.
Жәбірленушінің өзі оған несие берілгенін қарызы жайлы хабарлама келгенде ғана білген. Ол бірден банкке жүгінген. Мамандар ақпаратты растады. 2022 жылдың тамызында алынған несиенің жалпы сомасы - 251 мың теңге.
"Әйел адам барлық жағдайды анықтау үшін дереу полициядан көмек сұраған. Аталған дерекке қатысты полицейлер ҚР ҚК-нің 190-бабы (Алаяқтық) бойынша сотқа дейінгі іс жүргізуді бастады. Жәбірленушінің бұрынғы келіні оны және өзінің абысынын телефонына суретке түсіріп, "жұмысқа қажет" деп айтқаны оқиғаға қатысты мән-жайларды анықтау барысында белгілі болды. Көп ұзамай полицейлер 30 жастағы бикешті анықтады", - делінген хабарламада.
Келіннің осы құқық бұзушылыққа қатысының бар-жоғы тексеріліп жатыр. Осыған байланысты полицейлер барлық азаматқа күмәнді өтініш бойынша жалғыз суретке түспеуді, жеке құжатты қараусыз қалдырмауды ескертеді.