Сыбайлас жемқорлыққа қарсы іс-қимыл агенттігі ШҚО бойынша департаментінің мәліметіне сүйенсек, «Бизнеске жол» жобасы шеңберінде 3 шілдеден бастап Антикор Шығыс Қазақстан облысының мемлекеттік сәулет-құрылыс бақылау басқармасының қызметінде сыбайлас жемқорлық тәуекелдеріне сыртқы талдау жүргізіп жатыр.
Талдау барысында басқарманың мемлекеттік қызметтер көрсету, рұқсат беру функцияларын, сәулет, қала құрылысы және құрылыс қызметі саласындағы мемлекеттік бақылау және қадағалау жұмыстарын жүзеге асыру рәсімдерінде сыбайлас жемқорлық тәуекелдері жіті тексеріледі.
«Осыған байланысты көрсетілген мәселеге қатысты қандай да бір ақпарат, шағымдары мен ұсыныстары бар азаматтар analiz-vko@mail.ru электрондық мекенжайына немесе 8 775 77 88 099 WhatsApp нөміріне жолдай алады. Құрметті облыс тұрғындары, осы саладағы сыбайлас жемқорлық тәуекелдерін жою үшін әркімнің пікірі маңызды. Сондықтан шетте қалмауды және азаматтық ұстаным танытуларыңызды сұраймыз», – делінген ақпаратта.